Framúrskarandi fyrirtæki í ellefu ár

Höfuðstöðvar Norðurorku að vetrarlagi.

Nú, ellefta árið í röð, er Norðurorka í hópi framúrskarandi fyrirtækja á Íslandi. Þar er Norðurorka á meðal þeirra 2% íslenskra fyrirtækja sem uppfylla skilyrði greiningar Creditinfo á Framúrskarandi fyrirtækjum. 

Framúrskarandi fyrirtæki eiga það sameiginlegt að vera stöðug fyrirtæki sem byggja rekstur sinn á sterkum stoðum og efla hag allra. 

Þessi viðurkenning sem fyrirtækið hefur hlotið á hverju ári frá árinu 2012, er fyrst og fremst viðurkenning á því að allt starfsfólk Norðurorku er að leggja sig fram um að skila góðu verki á hverjum degi, allt árið um kring. Það er ekki sjálfgefið að vera á meðal þeirra bestu og við erum stolt af því að vera framúrskarandi fyrirtæki árið 2023.